Gjykata e Apelit vendosi dje 30 vite burgim për kreun e kësaj bande, Julian Sinanaj nga 35 vite që kishte dhënë Gjykata e Shkallës së Parë, duke i shpëtuar kështu burgimit të përjetshëm për shkak të statusit të tij si i penduar i drejtësisë. 35 vjet burg kishte kërkuar dhe Prokuroria.
Andon Mehillaj, personi që jepte porositë, është dënuar me burg përjetë, ndërsa kushëriri i tij Genis Mehillajn me 10 vite. Prokuroria kishte kërkuar burgim të përjetshëm edhe për këtë të fundit.
Ndërsa për Ndriçim Gjokonën nga 25 vjet që kishte dhënë shkalla e parë, është dënuar nga Gjykata e Apelit vetëm me 8 vite, duke iu njohur edhe këtij të pandehuri statusin e bashkëpunëtorit.
Ndërkohë Marjon Mitro nga Vlora do të vuajë 8 vite burg. Ai akuzohet se porositi atentatin me tritol ndaj ish-prefektit të Vlorës Besnik Dervishi. Për Mitron Prokuroria kishte kërkuar 26 vjet burg.
Apeli i Krimeve të Rënda dha 5 vite burg për biznesmenin e gazit Ilir Karçini dhe 8 vite për Altin Mexhajn personi që furnizonte me armatim Julian Sinanajn. Banda e tritolit akuzohet për vrasjen e Sokol Veizit dhe Agron Çelës, si dhe për vendosjen e tritolit te Ardian Kollozit.
ma.me
