Pas lajmit të rremë që qarkulloi sot në media, për një urdhër për studentët e Fakultetit të Inxhinierisë së Ndërtimit për të bërë pagesën e plotë të tarifave brenda 28 janarit 2018, flet për Report Tv, Rektori i Universitetit Politeknik të Tiranës, Andrea Maliqari.
Maliqari ka thënë se nga kancelaria e Fakultetit nuk ka dalë asnjë urdhër dhe se shkresa është e rreme. “Nuk ka dalë asnjë urdhër nga Kancelaria jonë, është shkresë e rreme. “-ka përgënjeshtruar Maliqari.
Ditën e sotme në mediat pranë PD dhe rrjetet sociale qarkulloi një foto për një njoftim ku iu kërkohej studentëve të Fakultetit të Inxhinierisë së Ndërtimit që të paguanin tarifën e plotë në masën 100% para 28-janarit 2019. Kjo shkresë, e publikuar në media dhe e botuar në mënyrë ‘misterioze’ për studentët e Inxhinierisë nuk kishte as firmë dhe as vulë, elementë parësorë për vlefshmërinë e një letre zyrtare.
Për këtë lajm reagoi edhe kryeministri Edi Rama, që e quajti një dezinformim dhe sqaroi se pagesat do të paguhen të përgjysmuara për të gjithë, pasi në dhjetor qeveria ka miratuar tashmë një VKM.
/a.rada
