Ditën e sotme pedagogët kanë vijuar me bojkotin e tyre të nisur që në 17 tetor. Para mediave ata përsëritën se ende nuk ishte plotësuar asnjë prej kërkesave të tyre, ndërsa bënë me dije se ditën e nesërme do të mblidhej një forum ku të pranishëm do të ishin pedagogë dhe studentë që do të diskutonin një platformë të përbashkët sa i përket situatës së krijuar.
Sandër Kovaçi: Ndërkohë që lajmërojmë vijimin e bojktomit të procesit mesimor derisa të marrë udhë plotësimi i kërkesave, nesër në orën 11:00 do të thirret një forum me akademikë, studentë dhe do jetë një ditë e rëndësishme për të përfshirë idetë e gjithë këtyre personave. Do jepet një përmbledhje e ideve të cilat do të përfshihen në një platformë të re për universiteteve. Do të jetë një bojkot i përgjithshëm mësimor dhe në takim do të marrin pjesë të gjithë anëtarët e universiteteve në vend.
Disa nuk kanë dhënë mësim gjithë vitin dhe shkojnë sot e japin mësim. Ata që japin mësim sot dhe nuk kanë dhënë gjatë gjithë viteve të tjera, mirë që kanë nisur. Ky është synimi ynë kryesor, të rritet përgjegjësia ndaj profesoriatit.
Ndërkohë një tjetër pedagog u shpreh se rektorët duhet të tregonin përgjegjësi ndaj pedagogëve që i kishin zgjedhur në atë pozicion dhe jo të zhvillonin anti-mitingje.
“Rektorët që bëjnë antimitingje të kenë shumë kujdes sepse të gjithë po i shohin. Ata janë pedagogë dhe nuk duhet të fshihen pas titullit të tyre që e kanë falë pedagogëve”– u shpreh një prej pedagogëve.
/a.r
