Leo Messi e ka përfunduar ndeshjen Barcelona-Celta (5-0) me një rekord të ri, në planetin e futbollit. Duke marrë pjesë në këtë sfidë, të shtunën e kaluar, në “Camp Nou”, Leo Messi arriti në 371 ndeshje të luajtura në La Liga. 
Argjentinasi bëhet kështu lojtari i huaj me më shumë lojëra, duke mbrojtur të njëjtën fanellë, në rastin e tij te Barcelona. Messi, me 371 ndeshje, lëviz mbi legjendën e vërtetë të Real Madridit, brazilianin Roberto Carlos (370 ndeshje) dhe ka tejkaluar tashmë brazilianin tjetër historik, ish-mesfushorin e Deportivo La Coruña, Mauro Silva (369 ndeshje). 
Këtë sezon, Leo Messi ka grumbulluar 23 ndeshje në La Liga, në të cilat ka shënuar 23 gola, duke dominuar klasifikimin e përkohshëm të “Pichichi” dhe riafirmuar veten si mbreti real i kampionatit spanjoll.
