Mbrojtësi Leonardo Bonucci, aktualisht është duke i kryer testet mjekësore te Milani dhe raportohet se do të përfitojë tetë milionë euro në sezon, plus dy të tjera bonuse – rekord ky në Serinë A.
Transferimi i Bonuccit, do t’i kushtojë Milanit 40 milionë euro, plus dy të tjera bonuse.
Sipas Mediaset Premium, 30 vjeçari do të nënshkruajë kontratë pesë vjeçare që do ta bëjë atë lojtarin më të paguar në Serinë A.
Ai do të përfitojë në sezon tetë milionë euro, plus dy të tjera, në varësi të paraqitjeve. Kurse Gonzalo Higuain përfiton te Juventusi 7.5 milionë.
Bonucci tashmë ndodhet në Milano dhe parashikohet të bëhet gjithçka zyrtare sonte në mbrëmje./a.m.
