Përsëri! Në Prishtinë është thyer edhe një herë rekordi i ndotjes së ajrit. Cilësia e ajrit në kryeqytetin e Kosovës nuk ka qenë asnjëherë më e keqe se në mbrëmjen e së dielës.
Gjendja e ajrit në kryeqendrën e Kosovës mbetet edhe më tutje shumë e rrezikshme për shëndetin e njerëzve.
Sipas matjes më të fundit, të bërë në orën 21:00 nga Qendra për matjen e cilësisë së ajrit, e vendosur nga Ambasada Amerikane në Prishtinë, ajri në kryeqytetin kosovar është “shumë i rrezikshëm” për shëndetin, raporton Gazeta Express.
Në Prishtinë cilësia e ajrit është aktualisht në nivelin e 504 ppm (grimcave në milion), tregon kjo qendër në ueb-sajtin e saj, citohet ”Express”. (b.an)
