Tashmë është zyrtare, të gjithë pritshmëritë u përmbushën dhe Lionel Messi triumfoi në garën për “Topin e Artë” 2016.
Futbollisti argjentinas i Barcelonës arriti të mposhtë konkurencës e rivalit të përjetshëm Cristiano Ronaldo dhe shokut të skuadrës te Barça, Neymar, që plotësonin treshen e finalistëve.
Kështu, ylli argjentinas mori numrin më të madh të votave duke u shpallur fitues i këtij çmimi personal për herë të 5-të. Futbollisti i Barçës ishte mjaft i avantazhuar, pasi fitoi thuajse gjithçka me ekipin e tij sezonin e shkuar.
Askush nuk ka arritur të fitojë kaq herë trofeun e shumë lakmuar.
Messi thyen rekordin edhe për numrin e pjesëmarrjeve në finalen e Topit të Artë, argjentinasi është nominuar plot 9 herë si finalist dhe e ka fituar 5 herë trofeun.
Messi do të jetë rekordmeni për tu arrirë nga futbollistët e rinj, por shifrat e tij duken të “çmendura”.
***
Futbollistja më e mirë
Carli Lloyd është shpallur futbollistja e vitit 2015 nga FIFA.
Futbollistja amerikane, Carli Lloyd e ka fituar çmimin e lojtares më të mirë për vitin 2015 nga FIFA.
Ajo e ka mposhtur konkurrencën e, japonezes Aya Muyama dhe gjermanen Celia Sasiç.
***
Goli i brazilianit Wendel Liras është zgjedhur goli më i bukur për vitin 2015 nga FIFA.
Lira ka mposhtur konkurrencën e Leo Messit dhe Alessandro Florenzt për këtë çmim.
Ja videoja e golit më të bukur në vitin 2015.
https://www.youtube.com/watch?v=PIH4Cq_CHoM
***
Luis Enrique është shpallur trajneri i vitit 2016, në mbrëmjen e Topit të Artë.
Trajneri i Barcelonës, Luis Enrique, e ka fituar çmimin e trajnerit të vitit.
Ai mposhti konkurrencën e Guardiolës së Bayern Munichut dhe Sampaolit, përzgjedhësit të Kilit.
Trofeu më i rëndësishëm që e fitoi Enrique gjatë vitit 2016, ishte Liga e Kampinëve.
***
FIFA e ka shpallur ekipin më të mirë për vitin 2015, në ceremoninë e Topit të Artë që po mbahet në Zurich.
Real Madrid dhe Barcelona e dominojnë formacionin e FIFA-së për vitin 2015.
Të dy skuadrat janë të përfaqësuara me nga katër lojtarë. Juventusi, PSG dhe Bayern Munich e kanë nga një lojtar në këtë 11-she.
Ekipi: Neuer, Alves, Ramos, Silva, Marcelo, Modric, Pogba, Iniesta, Neymar, Messi dhe Ronaldo.
***
Ka nisur në Zvicër mbajtja e ceremonisë për zgjedhjen e futbollistit më të mrië për vitin 2015.
Në garë për trofeun e Topit të Artë janë 3 finalistë, dy sulmuesit e Barcelonës Messi e Neymar dhe sulmuesi i Realit të Madridit Cristiano Ronaldo.
Në ceremoninë gala do të shpërndahen edhe çmimet për futbollisten femër më të mirë, trajnerin më të mirë si dhe formacionin më të mrië të vitit që lamë pas.
Dy favoritët për trajnerin më të mrië janë Luis Enrique i Barcelonës si dhe Sampaoli, trajneri i kombëtares kiliane, që udhëhoqi këtë ekip drejt fitimit për herë të parë të kupës së Amerikës Latine.
