Viti 2022 është mbyllur me 798 shfaqje artistike të vëna skenat e disa prej institucioneve artistike me të rëndësishme në vend.
Ata janë ndjekur nga 104.366 spektatorë, shifër kjo thuajse 3 herë më e lartë se ajo e vitit 2021.
Jo vetëm spektatorët ishin më të shumtë në numër, por edhe shfaqet dhe premierat e vendosura në skenë nga artistët u rritën me 30%.
Teatri Kombëtar Eksperimental ka vendosur në skenë 319 shfaqje, të cilat u ndoqën nga 26.763 spektator.
Ndërkohë që interes të shtuar ka patur për shfaqjet e fëmijëve. Në vitin që lamë pas Qendra Kombëtare e Kulturës për Fëmijë, ka realizuar 188 shfaqje të cilat u ndoqën nga 27.023 spektatorë.
Përgjatë vitit 2022 Cirku kombëtar është I vetmi që ka ulur numrin e shfaqjeve nga 51 në 46, por numri i spektatorëve është dhjetëfishuar, duke arritur në 22.550 persona nga 2.364 që ishin në vitin 2021.
