Të punësuarit në vend kanë derdhur afro 66.8 miliardë leke apo rreth 670 milionë euro në arkën e shtetit si kontribut për skemën e sigurimeve shoqërore dhe shëndetësore.
Viti 2025 ka nisur mbarë për buxhetin e Institutit të Sigurimeve Shoqërore dhe për skemën e pensioneve, pasi të ardhurat nga ky zë kanë u realizuan në masën 102.8% të planit për katërmujorin 2026.
Të dhënat zyrtare nga Ministria e Financave, tregojnë se për periudhën Janar-Prill 2026, janë arkëtuar afro 7.4 miliardë lekë apo 74 milionë euro më shumë se e njëjta periudhë e një viti më parë. E shprehur në përqindje, rritja e të ardhurave regjistrohet në 12.5%.
Nga ana tjetër kjo shifër është rekord në dekadën e fundit, duke u rritur me 153% në raport me vitin 2016, ku të ardhurat nga kontributet ishin në masën 26.4 miliardë lekë.
Ndërsa vetëm në muajin Prill 2026 janë 18.4 miliardë lekë të mbledhura apo 2.8 miliardë lekë më shumë.
Faktorët që kanë ndikuar në këtë perfomancë janë disa. Së pari është rritja e pagave në sektorin publik, ndjekur dhe nga sektori privat, duke bërë që paga mesatare në vend të rritet ndjeshëm duke arritur në nivelin e afro 1 mijë euro në muaj dhe si rrjedhim dhe pagesa e punonjësve për sigurime.
E dyta lidhet me reformën antiinformalitet, fokusuar kryesisht në nëndeklarimin e pagave, çka solli një rritje të deklarimeve dhe si rrjedhim dhe të të ardhurave të paguara nga kontributet.
Po ashtu, vendosja e pagave reference përgjatë këtij viti në sektorë si turizmi, ndërtimi dhe mjekësia, kanë sjellë një efekt direkt në rritjen e kontributeve dhe shëndoshjen e skemës.
Nga ana tjetër rritja e pagës minimale në shkallë vendi në 50 mijë lekë nga muaji Janar kanë ndikuar në këtë drejtim.
Një faktor tjetër lidhet me rritjen e numrit të bizneseve të hapura në Shqipëri përgjatë vitit 2024 si dhe mirëadministrimi nga ana e administratës tatimore, që duket sikur po kompenson disi edhe mungesën e fuqisë punëtore në vend.
Pagesa minimale për kontribute të sigurimeve shoqërore dhe shëndetësore për individ është rreth 13.950 lekë në muaj.
