Burimet zyrtare njoftuan se specialistët për Krimet në Komisariatin e Policisë Mallakastër, arrestuan në flagrancë shtetasin Bedri Alla, 23 vjeç, banues në fshatin Portëz, Fier.
Sic behet me dije arrestimi i këtij shtetasi u bë pasi është kapur në flagrancë tek një parcele të mbjellë me lëndë narkotike të dyshuar Cannabis Sativa.
Konkretisht, në fshatin Aranitas, Mallakastër, në vëndin e quajtur “Përroi i Çekut”, në një sipërfaqe toke të shpyllëzuar u gjetën të kultivuara dhe u asgjësuan 4000 bimë narkotike të llojit Cannabis Sattiva si dhe u gjetën 1500 degë (lastare) të varura në një tendë për t’u tharë.
Materialet i kaluan Prokurorisë pranë Gjykatës së Shkallës së Parë Fier për veprën penale “Kultivim i bimëve narkotike” parashikuar nga Neni 284 i Kodit Penal.