Për herë të parë në historinë e Shqipërisë, borxhi publik kalon shifrën e 1 trilion lekëve. Ky rekord historik i arritur në 31 mars të këtij viti është i barabartë me 10 mijë miliardë lekë të reja, pra një shifër me 12 zero. Shifra bëhet e ditur nga Ministria e Financave ndërkohë që deri në mars ky borxh ishte 390 miliardë lekë.
Saga e marrjes borxh në shifra marramendëse ka nisur që në vitin 2009 ndërsa ritmi i huamarrjes nuk ka qenë i njëjtë nga viti në vit.
Kështu për shembull. gjatë periudhës janar-mars të vitit 2012 borxhi publik është rritur me 1.2 milionë euro në ditë. Shifra në fjalë u dyfishua në rreth 2.5 milionë euro në ditë gjatë tremujorit të parë të vitit 2013. Në tremujorin e tretë kur ndryshuan dhe qeveritë pati një rënie me 1 milion euro në ditë të borxhit. Por rekordi është vendosur pikërisht këtë vit, me rritjen në masën 3.4 milionë euro në ditë të stokut të borxheve, shifër kjo e frikshme për një vend të varfër si Shqipëria.
Çështja e borxhit publik në Shqipëri ka hasur debate të shpeshta në Parlament dhe më gjerë, por asnjë përpjekje nuk është bërë për ta frenuar këtë huamarrje që rëndon xhepat e qytetarëve.
Kujtojmë se borxhi publik kufizohet edhe nga Kushtetuta, shkelja e së cilës duket se është bërë me konsensus sa i përket huamarrjës që nga viti 2009 e deri më sot.
