Paris Saint-Germain ka fiksuar çmimin për shitjen e Neymar. Sipas lajmeve që raporton “Le Parisien”, klubi kampion në fuqi i Francës pretendon një shifër marramendëse, që do të vendoste rekordin e ri absolut të një transferimi në historinë e futbollit. Plot 300 milionë euro në këmbim të kartonit të brazilianit.
Çmim ky gati gati përjashtues dhe refuzues për çdo të interesuar, madje mund të konsiderohet i pamundur edhe për Barcelonën e Real Madrid aq të interesuara për shërbimet e yllit brazilian të PSG. Një shifër kjo që duket edhe më absurde pas bllofit të Neymar me formën e tij fizike dhe teknike në sezonin e fundit.
Opsionet e Barcelonës
Opsioni i parë është që Barcelona t’ia ofrojë PSG-së 100 milionë euro dhe dy futbollistë (Philippe Coutinho, Dembele, Ivan Rakitic ose Samuel Umtiti) në shkëmbim për Neymarin.
Nëse transferimi i De Ligtit dështon përfundimisht, Barcelona mund t’i ofrojnë 150 milionë euro dhe vetëm njërin futbollist (Coutinhon ose Dembelen) për Neymarin. Mirëpo, trajneri Ernesto Valverde nuk dëshiron të humbë lojtarë të talentuar në sulm, kështu që Dembele e ka vendin më të sigurt.
Opsioni i fundit është që Malcomi të përfshihet në marrëveshjen për kthimin e Neymarit në Camp Nou, mirëpo vlera e tij nuk është shumë e lartë dhe kjo bën që Barcelona të detyrohet të shpenzojë një shumë jashtëzakonisht të madhe.
g.kosovari
