Deputetja e Partisë Socialiste, njëherazi eksperte e shkencave ekonomike Milva Ekonomi në një intervistë për ATSH-në tha se, “për Shqipërinë është një shans i madhe marrja e rekomandimin për hapjen e negociatave të pakushtëzuara më BE-në, sepse kjo kjo të thotë që investimet e huaja kanë një klimë më të përshtatshme për të ardhur në Shqipëri, ç’ka do të thotë që Shqipëria duhet të shihet si një treg i mundësive të financimit, mundësive të punësimit jo vetëm për shqiptarët por edhe të huajt në rajon”.
Marrja e rekomandimin për hapjen e negociatave me BE-në, do të thotë që Shqipëria ia ka dalë të rrisë ekonominë drejt zhvillimit të qëndrueshëm, duke ndjekur kriterin ekonomik që parashikojnë negociatat me BE-në, deklaroi Ekonomi.
Sipas saj, për kriterin ekonomik që parashikojnë negociatat me BE-në, Shqipëria ka kohë që punon për të qenë pjesë e këtij procesi dhe ka marrë përsipër dhe zbaton atë që quhet programi i reformave ekonomike.
Program i reformave ekonomike ka një qasje që synon të rrisë Prodhim e Brendshëm Bruto (PBB), krahas të gjithë angazhimeve të tjera që vijnë nga rekomandimet e KE-së dhe kërkesave që vijnë për një zhvillim të qëndrueshëm. Në këtë kuadër Shqipëria është e angazhuar për të sjellë rritje ekonomike dhe ia ka dalë. Rritja ekonomike e Shqipërisë është një rritje që ka marrë vlerësimet më të mira në rajon. Shqipëria ia ka dalë të rrisë punësimin dhe ia ka dalë të ulë pabarazinë me 5%”, theksoi Ekonomi.
Shqipëria ia ka dalë të menaxhojë defiçitin buxhetor, ia ka dalë të ketë një sistem bankar i cili kontrollon kreditë e këqija. Shqipëria ia ka dalë të ketë edhe një politikë fiskale gjithnjë e më të qëndrueshme.
“Në kuadër të angazhimit për aspiratën europiane, detyrat tona kanë qenë të realizuara, por rritja ekonomike që mendohet të vijë për të pasur një mirëqënie edhe më të mirë për qytetarët do të ishte një rritje ekonomike që do të shkonte te 6-7%, gjë që e thonë dhe objektivat e zhvillimit të qëndrueshëm”, deklaroi Ekonomi.
Prandaj dhe program i reforma ekonomike, vijoi ajo, është një nxitje për të kuptuar se çfarë shpejtësie, duhet t’i japim ekonomisë që të nxisë këtë nivel rritje.ATA
ma.me
