Kreu i grupit parlamentar të Partisë Socialiste, Taulant Balla, është shprehur se sot është një ditë feste për të gjithë shqiptarët pa dallim politik.
I ftuar në rubrikën “Opinion” në studion e lajmeve në News24, Balla tha se morëm provimin më të rëndësishëm të 30 viteve të fundit dhe tani jemi të gatshëm për një stad të ri, proces kontrolli të detajuar.
“Kulmim i një procesi pas arritjeve në 5 faktorë kyçë, reforma në drejtësi ishte kusht themelor, lufta kundër korrupsionit e krimit të organizuar dhe të drejtat e njeriut. Shqipëria ka pasur progres në çdo fushë,” u shpreh Balla
“Një lajm i mirë për të gjithë Shqipërinë e shqiptarët, pa dallim politik. Është proces që ka nisur nga viti ’93 dhe kurorëzohet sot. Ky është stacioni i parafundit deri në anëtarësim. Nëse 2014 u mor statusi kandidat, në një kohë të shkurtër krahasuar me vendet e tjera, morëm rekomandimin e hapjes së negociatave. Është një kontribut i të gjithëve, por për mua dua të them që është privilegj që PS është në qeverisje, dhe kjo arritje u bë gjatë këtij mandati. Kulmim i një procesi pas arritjeve në 5 faktorë kyçë, reforma në drejtësi ishte kusht themelor, lufta kundër korrupsionit e krimit të organizuar dhe të drejtat e njeriut. Shqipëria ka pasur progres në çdo fushë. Raporti i fundit i progresit ka qenë në vitin 2016, në 2017 nuk pati, dhe tani ishte përcaktuar momenti për progresin. Sot, Shqipëria është vlerësuar në të gjitha prioritetet,” tha ai.
28 vendet duhet të thonë Po, kur mbyllet ky proces?
Në Këshill sillet mendimi i vendeve anëtare, dhe brenda vendeve anëtare bëhet proces konsultimi. Shpresoj mos të ketë problem për ndonjë vend anëtar që të japë mendimin.
Duhet të kemi parasysh që ministritë e jashtme të vendeve anëtare i kanë mbajtur të informuar parlamentet e tyre.
Sot është një ditë e rëndësishme për të gjithë shqiptarët. Secila palë e jona duhet të ndërgjegjësohet për përgjegjësitë që ka.
A mund të ndodhë që vendet anëtare të vendosin kushtet e tyre?
Ka përpjekje të klasës tonë politike për të lobuar jashtë kundër nesh, për t’i vendosur Shqipërisë shkopinj nën rrota për pengimin e integrimit të vendit në Europë.
Por në fund të fundit, KE është institucioni që mat temperaturën, identifikon gjendjen e vendit aplikant dhe i rekomandon vendeve anëtare në Këshill që ky vend ka bërë gjëra për të qenë në stadin e vijimit të procesit.
Politikat e brendshme të vendeve anëtare s’duhet të imponohen në axhendën e zgjerimit të propozuar nga komisioni.
Morëm provimin më të rëndësishëm të 30 viteve të fundit dhe tani jemi të gatshëm për një stad të ri, proces kontrolli të detajuar./BW
a.ç
