Kompanitë të cilat bartin kufoma po shfrytëzojnë dritaret e korridoreve të klinikave të QKUK-së për t’i vendosur shpalljet e tyre, që sipas profesionistëve shëndetësorë, janë me porosi morbide
Edhe pse reklamimi brenda hapësirave spitalore është i ndaluar, janë kompanitë që transportojnë kufomat ato që po bëjnë një garë të pazakontë duke vendosur reklamat e tyre në klinikat ku pacientët janë në luftë me vdekjen.
Klinika Intensive është njëra nga klinikat ku vdekshmëria është mjaft e madhe, e dritaret e korridoreve të kësaj klinike po shfrytëzohen nga kompanitë e transportit për reklamim.
Është kompania “Ngushëllimi” ajo që në korridorin ndërmjet Ortopedisë dhe Intensives në QKUK ka vendosur reklamat e saj, ku përveç për transportin e kufomave kjo kompani njofton se kryen edhe shërbime tjera mortore.
“Kryejmë transportin e kufomave, arkivole, kurora, dërrasa, qefin, piramida, organizojmë ceremonitë mortore”, shkruan në shpalljen e kompanisë “Ngushëllimi”, ku poshtë saj janë të vendosur edhe dy numra telefoni… (Zeri)
