Një atentat me armë zjarri ka ndodhur mbrëmjen e sotme në Milot, ndërsa burime bëjnë me dije se dy persona kanë mbetur plagosur.
Sipas Report Tv, është plagosur Ylli Brahimi si dhe një 28-vjeçari Klisman Preçi dhe janë dërguar në spitalin e Traumës në Tiranë.
Ylli Brahimi, 46-vjeç, i kishte shpëtuar një atentati një vit më parë në Milot, teksa u qëllua nga dy persona me motor. Nuk dihen ende detaje se si ka ndodhur ngjarja.
Vetëm 6 ditë më parë një vrasje mafioze me tre viktima ndodhi në mbikalimin e Fushë-Krujës, ndërsa nuk dihet nëse atentati i mbremjes së sotme ka lidhje me ngjarjen.
Policia ka mbërritur në vendngjarje dhe po bën ekspertizën për zbardhjen e shkaqeve të ngjarjes së ndodhur. Mësohet se në vendngjarje janë gjetur 100 gëzhoja.
Atentati me armë zjarri vjen pak ditë pas atentatit të ndodhur në Fushë-Krujë, ku mbetën të vdekur Brilant Martinaj, Besmir Hoxha dhe Diklen Vata.
Dyshohet se atentati i mbrëmjes së sotme lidhjet me përplasje të bandave kriminale, përplasje të cilat janë shpeshtuar së fundmi në vendin tonë.
/e.d
