Kina identifikoi më shumë se 52.000 site të trashëgimisë kulturore vitin e kaluar në regjistrimin kombëtar të trashëgimisë së paluajtshme, njoftoi Administrata Kombëtare e Trashëgimisë Kulturore, shkruan “Xinhua”.
Provincat me numrin më të lartë të siteve të trashëgimisë të zbuluara rishtazi janë Shandong, Henan, Jiangxi, Fujian dhe Hubei, thuhet në deklaratën e administratës.
Kina përfundoi regjistrimet kombëtare të trashëgimisë kulturore në vitet 1956, 1981 dhe 2007. Regjistrimi i fundit filloi në 2023-shin.
Përveç këtyre zbulimeve, Kina ka intensifikuar përpjekjet për të mbrojtur trashëgiminë kulturore. Në vitin 2024, agjencitë e zbatimit të ligjit goditën më shumë se 700 raste që përfshinin trashëgiminë kulturore dhe gjetën më shumë se 5000 artefakte kulturore të vjedhura, thuhet në deklaratë.
Numri i krimeve të raportuara në këtë fushë shënoi rënie me 28 për qind nga viti i kaluar, duke reflektuar forcimin e llogaridhënies dhe masat parandaluese në sigurinë e trashëgimisë kulturore.
