Konfirmohen 20 raste të reja me koronavirus në Kosovë. Sipas të dhënave nga Instituti Kombëtar i Shëndetësisë Publike të Kosovës, bëhet e ditur se në 24 orët e fundit janë dhënë 6.411 doza të vaksinës kundër COVID-19.
“Prej fillimit të vaksinimit në të gjitha qytetet e Kosovës janë dhënë 1.489.678 doza të vaksinës. Deri më sot 659.593 qytetarë janë vaksinuar me dozën e dytë. Nga 1.467 testime, 20 qytetarë kanë rezultuar pozitiv me virusin COVID-19”, thuhet në njoftim.
MSH po ashtu njofton se gjatë 24 orëve të fundit, nuk është shënuar asnjë rast i vdekjes.
Në njoftim thuhet se sot janë shëruar 158 qytetarë, derisa numri i përgjithshëm i të shëruarve është 156.756. Në total numri i rasteve aktive është 786./m.j
