Ambasadori bullgar, Ivaylo Kirov, ishte për vizitë në Pustec ku mori pjesë në dhurimin e disa pajisjeve spitalore për këtë bashki.
Mes të tjerash, ai iu përgjigj interesit të gazetarëve në lidhje me Censin e popullsisë, për të cilin tha se Bullgaria nuk lufton për shifra.
“Sa i takon pritshmërive për rezultatin e Census, Bullgaria nuk lufton për numra e kushdo është i mirëpritur për të shprehur etninë e vet e se nuk është qëllimi për të luftuar me vëllezërit e Maqedonisë së Veriut”.
Ambasadori bullgar ka vazhduar me tej duke thënë se nuk ndien shqetësim për procesin e Census, por duhet të ndryshojë mënyra sesi njerëzit e shohin Bullgarinë.
Ndërkohë, Eftim Mitrevski,nënkryetari i Partisë Aleanca Maqedonase për Integrim, në intervistë për mediat ka dënuar ardhjen e ambasadorit bullgar në Pustec, duke e cilësuar si presion të hapur në lidhje me Censin.
“Është krejtësisht jo normale, është perzierje në punët e brendshme të këtij shteti si vizitë e ambasadorit ashtu dhe nënpresidentes bullgare. Ajo duhej përzënë nga Shqipëria, duhej dhënë ultimatum, duhet të linte shtetin shqiptar dhe të dilte jashtë kufijve të Shqipërisë. Si e lejon shteti shqiptar që personalitete të tilla në kohën e Censit të ushtrojnë propagandë këtu, ne jemi qytetarë shqiptarë, mbushim mot 100 vite që ky shtet shqiptar na ka njohur, me institucione, në asnjë dokumente të shtetit shqiptar nuk figuron bullgar. Vizita e ambasadorit bullgar është krejtësisht e gabuar”, tha ai./f.s
