Forcat e regjimit sirian morën sot nën kontroll një lagje rebele në periferi të Alepos, duke shtrënguar më shumë rrethimin e tyre ndaj sektorëve që janën nën kontrollin e kryengritësve, njoftoi Observatori Sirian i të Drejtave të Njeriut (OSDH).
“Forcat e regjimit zhvilluan sërish sot bombardime në lagjet rebele, ku mbeti i vdekur një fëmijë, një ditë pas sulmeve që bënë të paktën 24 të vdekur”, vazhdoi OSDH-ja.
Sipas kësaj OJQ-je, forcat e regjimit arritën të marrin pas luftimesh të ashpra lagjen e Layramoun, në veriperëndim të qytetit të ndarë, ndërkohë që luftimet vazhdojnë për kontrollin e një lagje tjetër rebele, Bani Zeid, që është gjithashtu e rrethuar.
