Artistja shkodrane Mifarete Laze ishte e ftuara e pasdites në “Rudina” në Tv Klan së bashku me mbesën e saj të vogël, Arian. Në rrëfimin e saj për statusin e ri, lidhjen e muzikës që i bashkon të dyja, Mifaretja kujtoi edhe kohët kur ajo ishte pjesë e Festivalit të Fundvitit.
Ndërsa sot mbesa e saj admiron grupet muzikore koreane për shkak se jeton në një kohë tjetër, dikur arti, ashtu si shumë fusha të tjera i shërbente propagandës partiake. Pikërisht prej kësaj të fundit, Mifaretja mban mend një episod kur u desh të ndryshohej teksti që të përmbushte këtë qëllim, vetëm 3 ditë përpara festivalit.
Mifarete Laze: Prova gjenerale bëhej 3 ditë para festivalit, të ndërronin komplet tekstin.
Rudina Magjistari: Tekstin e këngës?
Mifarete Laze: Edhe po të bëje gabim ishte një tmerr, mbaj mend këngën “Udhët e atdheut”. I thanë profesor Xhevahirit të ndërronte tekstin. Imagjino të kesh bërë 25 ditë prova dhe për 3 ditë të ndërrojnë tekstin kur ti e ke impostuar e të gjitha.
Rudina Magjistari: Çfarë i mungonte tekstit apo kishte diçka tepër?
Mifarete Laze: Xhevahiri kishte tekst filozofik, ishte i bukur për jetën, mirëpo duhej futur partia e kështu. Ato mo, ama mbaj mend që te rreshti i parë ka qenë inspektor skene Kalaci, kishte bërë ca kartona por nga emocionet edhe nuk sheh. Në strofën e dytë edhe sheh, por në strofën e parë nuk sheh kurrgjë se ke emocione.
Edhe mbaj mend që e bëra lëmsh, ca prej tekstit të ri, ca prej tekstit të vjetër… lëmsh. Por shyqyr që e bëri lëmsh edhe profesor Gaqoja edhe shpëtova. Ama ta bësh lëmsh e kur shkon në prapaskenë është të të bjerë pika duke pritur çfarë po të bëjnë, të hoqën a s’të hoqën, mos ke thënë ndonjë fjalë gabimisht se si dihet, boshti ideologjik, por jo./
Regjimi ndërroitekstin e këngës 3 ditë para festivalit, Mifarete Laze: E bëra lëmsh!
Artistja shkodrane Mifarete Laze ishte e ftuara e pasdites në “Rudina” në Tv Klan së bashku me mbesën e saj të vogël, Arian. Në rrëfimin e saj për statusin e ri, lidhjen e muzikës që i bashkon të dyja, Mifaretja kujtoi edhe kohët kur ajo ishte pjesë e Festivalit të Fundvitit.
Ndërsa sot mbesa e saj admiron grupet muzikore koreane për shkak se jeton në një kohë tjetër, dikur arti, ashtu si shumë fusha të tjera i shërbente propagandës partiake. Pikërisht prej kësaj të fundit, Mifaretja mban mend një episod kur u desh të ndryshohej teksti që të përmbushte këtë qëllim, vetëm 3 ditë përpara festivalit.
Mifarete Laze: Prova gjenerale bëhej 3 ditë para festivalit, të ndërronin komplet tekstin.
Rudina Magjistari: Tekstin e këngës?
Mifarete Laze: Edhe po të bëje gabim ishte një tmerr, mbaj mend këngën “Udhët e atdheut”. I thanë profesor Xhevahirit të ndërronte tekstin. Imagjino të kesh bërë 25 ditë prova dhe për 3 ditë të ndërrojnë tekstin kur ti e ke impostuar e të gjitha.
Rudina Magjistari: Çfarë i mungonte tekstit apo kishte diçka tepër?
Mifarete Laze: Xhevahiri kishte tekst filozofik, ishte i bukur për jetën, mirëpo duhej futur partia e kështu. Ato mo, ama mbaj mend që te rreshti i parë ka qenë inspektor skene Kalaci, kishte bërë ca kartona por nga emocionet edhe nuk sheh. Në strofën e dytë edhe sheh, por në strofën e parë nuk sheh kurrgjë se ke emocione.
Edhe mbaj mend që e bëra lëmsh, ca prej tekstit të ri, ca prej tekstit të vjetër… lëmsh. Por shyqyr që e bëri lëmsh edhe profesor Gaqoja edhe shpëtova. Ama ta bësh lëmsh e kur shkon në prapaskenë është të të bjerë pika duke pritur çfarë po të bëjnë, të hoqën a s’të hoqën, mos ke thënë ndonjë fjalë gabimisht se si dihet, boshti ideologjik, por jo.
/a.r
