Një ngjarje tronditëse ndodhi sot në Tiranë ku një 31-vjeçar vrau me armë një vajzë 19-vjeçare me të cilën dyshohet se ka pasur lidhje.
Xhaferr Mata i dha fund jetës pasi më parë vrau Xhuljeta Çunin, ngjarje kjo e ndodhur para shumë kalimtarëve në “Don Bosko”.
Mendohet se shkak i ngjarjes ka qenë prishja e lidhjes nga ana e të resë. Ajo e ka denoncuar të paktën katër herë Matën për përndjekje.
Raportohet se Mata është shoqëruar disa herë në polici dhe është larguar nga aty me premtimin se nuk do ta bezdiste më.
Por, e gjithë kjo histori u mbyll me një fund tragjik këtë të premte. 31-vjeçari vrau ish-të dashurën e më pas i dha fund jetës.
Ai është babai një djali 1-vjeçar dhe vetëm pak kohë më parë është divorcuar nga ish-gruaja./a.m.
