Kryetari i grupit të LSI Petrit Vasili ka dalë në një komunikim për mediat pas mbledhjes së deputetëve të kësaj force.
Ai ka komentuar edhe lëvizjeet e partive të mëdha për reformën zgjedhore, teksa tha se “Koha e ‘tangove’ PS – PD për reformën zgjedhore ka marrë fund”.
Ai u shpreh se edhe LSI do jetë pjesë aktive, por do e pranojë nëse do ketë hapa konkret dhe jo deklarata të kota.
“Do jemi pjesë aktive e këtij komisioni.
Jemi të interesuar për një reformë që mungon prej 26 vitesh, por duhet të merren modelet dhe ekspertiza ndërkombëtare
Të shohim çfarë do hedhin mbi tryezë. Koha e “tangove” PS – PD për reformën zgjedhore ka marrë fund.
Nëse do kemi zgjedhje të qetë dhe jo nën diktatin e armëve dhe bandave.
Sa më parë të fillojë reforma zgjedhore, do jemi pjesë aktive e saj”, tha Vasili./a.m.
