Deputeti Dashnor Sula në Dritare Tv ka komentuar sherrin në komisionin e Reformës Zgjedhore, duke treguar se pse nuk dakortësohen me propozimet e Lulzim Bashës.
Sula tha se deputetët e opozitës, qoftë edhe ata pakicë kërkojnë në bashkëkryetar që t’i përfaqësojë në këtë reformë.
“Unë dhe Alibeaj kemi shkruar në komision, ngaqë na besoi grupi parlamentar. Komisioni nuk bëhet nga partitë politike, por përfaqësuesit.
Grupet parlamentare bëjnë reformën, ne që jemi grup i vogël jemi të pa përfaqësuar. Ne kërkojmë një bashkëkryetar, jo zëvendësim të Gjiknurit, apo Alibeajt.
Të gjithë grupet të jenë të përfaqësuar, ndryshe mund ta bënte mazhoranca edhe me grupin e Idrizit, edhe pse janë pakicë. E pengojnë, për të ngritur alibinë se opozita nuk do reformë zgjedhore.
Ne nuk kemi besimin se kush mund të na përfaqësojë. Duhet të ketë një deputet të pavarur që të na përfaqësojë”, tha Sula./m.j
