Kuvendi pritet të vendosë të enjten për shtyrjen me 30 ditë të afatit të punës së komisionit të posacëm për reformën zgjedhore.
Rendi i ditës i séancës së sotme parashikon pikë të fundit votimin e kërkesës së bashkëkryetarit socialist, Taulant Balla, për shtyrjen edhe me një muaj tjetër te afatit të punës së këtij komisioni, i ngritur ne dhjetor 2015.
Për herë të fundit afati i tij u shty me 60 ditë në muajin dhjetor, por pa rezultat, pasi gjatë kësaj kohe palët nuk arriten kompromis për ndërhyrjet në kodin zgjedhor, duke e zvarritur amendimin e ligjit, edhe pse nga zgjedhjet e qershorit na ndajnë pak më shumë se katër muaj.
Kërkesa e opozitës për aplikimin e votimit elektronik më 18 qershor, si e vetmja garanci për zgjedhje të lira e të ndershme, vazhdon të mbetet kushti i panegociueshëm i PD-së, që mban peng realizimin e reformës zgjedhore, të rekomanduar nga OSBE/ODIHR.
Një ditë më parë, bashkëkryetari demokrat i komisionit të posacëm, Oerd Bylykbashi tha se kërkesa e maxhorancës për shtyrjen e punës së komisionit, është vetëm një farsë, ndërkohë që thelbi i reformës është vrarë, tha ai. /b.d
