Kryetari i Komisionit për Reformën në Drejtësi, Fatmir Xhafaj tha në studion e “Tonight Ilva Tare” se po negociojnë me opozitën për reformën në drejtësi.
Edhe pse Xhafaj nuk tha konkretisht se po diskutojnë për votimin me 2/3 të paketës kushtetuese, ai u shpreh i qartë se ky do të jetë një test se sa e sinqertë do të jetë opozita në këtë proces.
Xhafaj: Kam këtu draftin e 24 shtatorit kur e kemi çuar për herë të parë në Komisionin e Venecias në shtatorin e vitit 2015.
Tare: Nuk ishte opozita pjesë e diskutimit?
Xhafaj: Fare. Jua jap juve ta lexoni këtu dhe nëse ma gjeni, e keni këtu dhe njësinë e posaçme hetimore dhe prokurorinë e posaçme dhe gjykatën e posaçme. Përkundrazi, absolutisht nuk ka ndryshuar. Çfarë ngatërrojnë?! Këta ngatërrojnë kekun me byrekun. Këta ngatërrojnë një ligj që ishte për policinë e shtetit që u zhvillua në kushtet krejt të tjera dhe nuk kishte lidhej fare me reformën. Kurse që në 24.9 pa qenë fare opozita pa u përfshirë fare ne kemi qenë të qartë se si do të duhej të ndërtoheshin këto institucione antikorrupsion.
Tare: A mund të arrihet në një zgjidhje vetëm për këtë herë, që të bini dakord për 2/3, të bini dakord për këtë dhe nuk do jetë e vlefshme për herë të tjera.
Xhafaj: Janë të gjithë të hapura dhe po ju them dhe tjetren që të shpëtoj dhe unë dhe ju. Ne jemi duke negociuar.
Tare: Jeni duke negociuar që të ketë 94 vota kalimi i paketës kushtetuese?
Xhafaj: Jo nuk e them, por..
Tare: 2/3, 94 vota janë
Xhafaj: ….se mund të ketë edhe formula të tjera. Po sot jemi duke negociuar por nuk është korrekt ta them për cfarë po negociojmë dhe ky do të jetë testi sa e siqnertë do të jetë opozita. Ne jemi duke negociuar këtë gjë për të ndarë përfundimisht seriozitetin e palëve në këtë proces, për të ndarë përfundimsiht në këtë proces.
Xhafaj: Nuk ka shumë afat, jemi të vonuar
Xhafaj: Drafti që është sot edhe objektivisht e ka të nevojshme që disa gjëra të ndryshojnë siç është rasti i shumicave të cilësuara, pra kuorumeve përzgjedhëse për rastin e votës në Parlament, për shkak se kjo ka qenë e vetmja çështje që ka lënë të hapur Venecia, si një cështje që ta zgjidhe legjislatori. Çështjet e tjera janë teknike që i janë nënshtruar gjykimit parlamentar, por në thelb mbeten çështje teknike për zgjidhje dhe janë debatuar. Çështja e vetme që mbetet në vullnetin epolitikës dhe akoma nuk është debatuar, unë kam qenë korrekt dhe i kam thënë që kjo cështje është e debatueshem që pasi të mbyllet e gjithë arkitektuara do të duhet të diskutojmë mbi formulën e formimit apo të emërimti të institucioneve që kalojnë nga parlamenti. Drafti në tëresi është i mbyllur. Nëse a ka vend që palët të gjejnë mundësi? Kanë.
Tare: Edhe arkitektuar mund të preket ?
Xhafaj: Për mua jo, është e vështirë, sepse nëse bie njëra nga hallkat do të duhen përforcime, meganizma garantuas për ta mbajtur.
Tare: Ka afat miratimi i reformës?
Xhafaj: Në dy plane jemi të vonuar, e para nga pikëpamja e nevojës për çështjet e integrimit në BE. Ka një afat se BE që të japë dritën jeshile do të duhet jo thjesht të shohë projektin kushtetues por edhe mimimalisht një kuadër ligjor prej 7-8 ligjesh që mundësojnë fillimin e procesit të zbatimit. Ndërkohë që në tërësi janë 45 ligje që do të shoqërojnë projektin kushtetues. Ne pothuajse jemi në mbyllje të të gjithë këtyre.
Tare: Ne, bashkë me opozitën i keni diskutuar ligjet?
Xhafaj: Grupi i ekspertëve, komisioni do të fillojë ta shqyrtojë. Janë 45 ligje, 7 janë prioritare, nuk zbatohet projektikushtetues nëse nuk mirtohen keto pr/ligje
Një element tjetër garancie ka qenë që këto pr/ligje të kalojnë njëkohësisht me projektin kushtetues.
Tare: Dmth ka afat?
Xhafaj: Jo nuk ka shumë afat. Një nga këto ligje do një javë punë në komision. Koha është teje e kufizuar. Nëse këto projekte shkojnë të gjitha për një moment supozojmë, që do të ishte e rëndë për në shtator, kjo do të thotë që edhe afati i implementimt përplaset me procesin zgjedhur. Përfytyroni që vitin që vjen vendi ynë hynë në një proces zgjedhor, të ketë njëkohësisht edhe çështjen e implementimit edhe çështgjen e përgatitjes për zgjedhjet, gjëra që mund të kryqzohen dhe të politizohen.
OraNews/d.i.
