Kryetari i komisionit për Reformën në Drejtësi, Fatmir Xhafaj, në pritjen e organizuar në vlerësim të të gjithë aktorëve që morën pjesë në harftimin e draftit, vlerësoi kontributin e ekspertëve të nivelit të lartë, si dhe të gjithë ekspertëve ndërkombëtarë për kontributin e tyre në hartimin e draftit. Sipas tij, Reforma ishte një proces i pandodhur më parë.
“Grupi ekspertëve të nivelit të lartë ka punuar në mënyrë profesionale. Në disa muaj u bë punë aq sa bëhet në një legjislaturë. Shumë pak e dinë punën tuaj të madhe që keni bërë. Por në Shqipëri ka profesionist të vërtetë. Një pjesë e politikës shpesh herë hedh baltë dhe kërkoi tu bëj pis. Jo pak vlerësime të errëta u bënë ndaj jush. Është momenti që ata t’u kërkojnë ndjesë ndaj jush për baltën e hedhur. 140 vota pro janë përgënjeshtrimi më i madh I baltës së hedhur ndaj jush”, theksoi Xhafaj.
Ashtu siç ishte paralajmeruar PD e ka bojkotuar kete pritje ne te cilen merr pjese i gjithe trupi diplomatik ne Shqiperi, zyrtare te larte te Komisionit te Venecias, si dhe personalitete te larta qe nga Kryeministri, Edi Rama, Kryetari i Kuvendit, Ilir Meta, etj.
Vlahutin, ambasadorja e BE-së
“Rruga për të ardhur deri këtu ka qenë e gjatë. Vlerësoj punën e madhe e të përkushtuar që është bërë nga të gjithë ekspertët shqiptarë dhe ndërkombëtarë. Vlerësoj Komisionin e Venecias që ka qenë udhërrëfyesi ynë. Nuk kemi bërë punë që ajo të mbetet në letër. Reforma do të zbatohet. Nuk ka demokraci të vërtetë pa një sistem të drejtë drejtësie.
Donald Lu, ambasadori i SHBA-së
“Fitorja e kujt? Kjo është pyetja. Ishte fitore e partive politike? E medias? E komunitetit ndërkombëtarë? Kjo fitore i takon një grupi njerëzish, miqëve tuaj, komshinjëve tuaj, popullit shqiptarë. Shumë prej nesh janë takuar me njerëz ku kanë dëgjuar për padrejtësit e bëra. Asnjë hero i vetëm nuk është më i fuqishëm sa zëri i qytetarëve shqiptarë. Në të gjithë vendin është kërkuar Reforma në Drejtësi. Jam i kënqaur që udhëheqësit politik e dëgjuan zërin e qytetarëve. Rezistenca kundër kësaj Reforme ka qenë e vërtetë. Udhëheqësit duhet të përmbushin zotimin që të zbatojnë këtë Reformë. Demokracia e vërtetë është dëgjimi i zërit të popullit. Kjo është fitorja e qytetarëve shqiptarë”.
me.ar
