Disa minuta më pas ka reaguar nënkryetari i komisionit të reformës Oerd Bylykbashi, duke thënë se punimet e sotme janë zero dhe nul, pasi sipas tij konsensusi për draftin kushtetues ende nuk është gjendur, gjë që për opozitën e bën këtë draft të paplotë. Në këto kushte, shprehet Bylykbashi, diskutimi i ligjeve që bëjnë funksional draftin kushtetues të reformës në drejtësi është i kotë.
Bylykbashi theksoi gjithashtu se në rast të çuarjes dhe votimit të njëanshëm në kuvend të draftit kushtetues, PD do t’i drejtohet popullit dhe verdiktit të saj “se çfarë do të bëjë me parlamentin”.
“Ky draft është ende në negociim, nuk ka përfunduar ende dhe kjo që bën ky komision është e papranueshme, është e paktë të themi që ky proces është antikushtetues. Është thënë qartë se pa rënë dakort për draftin kushtetues, nuk ka sesi të ketë ecje përpara.
Ky komision do të kthehet apo mund të shndërrohet në atë pëlqhurës e Penelopës… ne themi që të bien dakort për çështjen e padakortësuar. Ne kemi rënë dakort, që Kushtetuta dhe ligjet të votohen së bashku, por kjo nuk do të thotë asgjë.
Fakti që kanë miratuar një draft në mënyrë të njëanshme dhe fakti se mbi të do të bazohen ato ligje, nuk e bën të arsyeshëm sjelljen e maxhorancës. Këto ligje pa qenë e mbyllur paketa kushtetuese apo pa arritur konsensusin, kanë vlerë zero. Nëse kjo çështje nuk mer vullnetin politik, në mënyrë konsensuale, e gjithë kjo mbetet një kështjellë me themele në rërë. “- tha Bylykbashi./java/a.k
