Pasa debatit të shfaqur së fundi lidhur me nenin 13 të projektligjit Për funksionimin e institucioneve për të luftuar korrupsionin dhe krimin e organizuar, si dhe të nenit 6, pika 3 të projektligjit “Për funksionimin e Prokurorisë në Republikën e Shqipërisë, që kanë të bëjnë pikërisht me veprimtarinë dhe lirinë e medias.
Të pranishmit vlerësuan vullnetin për qartësimin e dispozitave ligjore përkatëse në mënyrë që ato t’i përshtaten frymës së standardeve ndërkombëtare, duke iu referuar standardit të ndalimit të ndikimeve të papërshtatshme të brendshme apo të jashtme”, me çfarëdo mjeti që ushtrohet ky ndikim.
Po ashtu të pranishmit në këtë takim vlerësuan opinionin e Komisionit të Venecias për tu saktësuar në ligj përjashtimi nga përgjegjësia çdo kritikë legjitime sipas Konventës Europiane për të Drejtat e njeriut.
Në takim ishin përfaqësues të Unionit të Gazetarëve, Institutit Shqiptar të Medias, Qendrës (BIRN ALBANIA), Shoqatës së Gazetarëve Profesionistë të Shqipërisë, Lidhjes së Gazetarëve të Shqipërisë, si dhe Shoqatës së Mediave Elektronike.
