Komisioni i posaçëm për reformën në drejtësi miratoi te premten kapitullin e dytë të paketës së rishikuar të ndryshimeve kushtetuese, që lidhet me funksionimin e Gjykatës Kushtetuese.
Pas mbarimit të mbledhjes që zhvillohet me dyer të mbyllura anëtari socialist i komisionit, Pandeli Majko, bëri të ditur miratimin me konsensus te kapitullit te dytë, që konsiderohej dhe një test për vullnetin politik te paleve.
Gjykata Kushtetuese, është një nga çështjet e nxehta të draftit, sidomos emërimi i anëtarëve të këtij institucioni.
Pas miratimit në parim të hënën të draftit kushtetues, komisioni nisi të martën me diskutimin nen për nen të tij, ku u miratua kapitulli i parë, që përmban 13 nene, ndërsa e gjithë paketa është e ndarë në 6 kapituj. (javanews.al / r.a)
