Ish-kryeministri i vendit, Sali Berisha, tha sot gjatë fjalës së tij në parlament se nga miratimi me konsensus i reformës në drejtësi pati disa palë të fituara dhe disa të humbura.
Duke folur përballë deputetëve, Berisha tha se ai që humbi nga ky proces ishte Partia Socialiste dhe kryeministri Edi Rama, që sipas tij bënë çmos për të përçarë dhe bllokuar vendin. Sipas tij, humbën të gjithë ata që ishin kundër konsensusit.
“Qeveria donte të kapte me cdo kusht institucione. Ata që humbën nga ky proces ishin ata që kërkonin përçarje. Humbi Edi Rama, humbën ata të huaj që nuk kërkonin konsensus. Rama kërkonte të kapte drejtësinë në gropën që i hapën vetes”, tha Berisha, i cili u shpreh se disa nderkombetare harruan se perfaqesonin qeverite e tyre. Duke aluduar keshtu per ambasadoret Lu e Vlahutin, te cilet kritikuan ne menyre te perseritur pozicionin e opozites ne ditet e fundit para votimit te reformes.
Nga ana tjetër, ish-kryeministri vlerësoi Partinë Demokratike dhe LSI-në për qëndrimet e tyre në këtë proces dhe për distancimin nga PS dhe nga kapja e drejtësisë. Sipas tij fitoi e vërteta, liria dhe dinjiteti kombëtar.
“Kush fitoi nga ky proces? Fitoi Partia Demokratike. Në rafshin social fitoi konsensusi. Fitoi cdo qytetar shqiptar. Fituan faktorët vendas që i besojnë konsensusit dhe luftuan deri në orën e fundit për konsensus. Fitoi PD që nuk u tërhoq për asnjë cast pavarësisht cdo përpjekje për ti mbyllur derën. Fitoi edhe LSI, që u nda nga mazhoranca dhe hartoi një projekt solid. Me këtë akt, kjo parti ju bëri me dije anëtarëve të komisionit se në rast se një pjesë e qeverisë kishte për qëllim kapjen e qeverisë, ajo u distancua” ,tha Berisha
ma.me
