Ambasadori i Shteteve të Bashkuara të Amerikës, Donald Lu dhe ajo e Bashkimit Europian, Romana Vlahutin janë zhvilluar një takim me kryetarin e Kuvendit Ilir Meta. Takimi është zhvilluar para se kryeparlamentari Meta të zhvillonte konferencën me ambasadorët shqiptarë nëpër botë.
Temë e takimit mendohet se ka qenë ecuria e reformës në drejtësi. Mazhoranca dhe opozita kanë aktualisht në tryezë një draft hibrid të mbështetur nga SHBA dhe BE. Ndihmës Sekretarja Amerikane e Shtetit, Victoria Nuland, u shpreh në vizitën e saj të fundit në Tiranë se propozimi i ri është një përmbledhje e qëndrimeve të të dy palëve.
Dy ditë pas këtij propozimi, Partia Demokratike u shpreh përmes kryetarit të saj, Lulzim Basha se e refuzonte draftin për shkak se në të përfshihet roli i ekspertëve ndërkombëtarë si vendimmarrës në procesin e vettingut. Pavarësisht se ishte vetë PD që kërkoi që në krye të herës ekspertizë të posaçme nga SHBA dhe BE për reformën në drejtësi, si garanci për moskapjen politike.
ma.me
