Pas publikimit të videoskandalit erotik me Ervin Salianjin, Grida Duma fluturoi drejt Seulit. Ajo ka marrë pjesë në një konferencë, ku ka mbajtur edhe një fjalim filozofiko-politik. Fjalimi duket se ka pasur brenda edhe emocionet e Gridës, për atë që kishte ndodhur ato ditë në Tiranë, pra publikimi i mesazheve erotike të saj me Ervin Salianjin.
“Por, pavarësisht se si ndërtohet karriera e një politikani, të përballosh këtë përgjegjësi, kërkon një forcë, e cila mund të vijë vetëm nga paqja me ndërgjegjen tënde.
Kjo paqe është e pamundur të ndërtohet vetëm në besimin te forca e njeriut sepse do të ishte e pamundur që ndërgjegjja e vetes të kishte referencë po veten e vet”, thotë Grida në fjalimin e saj, të cilin e ka publikuar në një të përditshme këtë të shtunë.
Më pas vijon, duke thënë se e bukura dhe e keqja gjenden brenda çdo njeriu:
“Platoni, mijëra vite më parë, na ka vërtetuar vetëm nëpërmjet arsyes njerëzore se idetë e mëdha si “e mira”, “e bukura”, “e keqja”, “e shëmtuara”, të cilat gjenden në çdo send dhe çdo njeri, nuk janë përcaktime të njerëzores.
Këto ide njeriu i di pa mësuar, vjen me këto ide që nga lindja, kuptimi i tyre është brenda materies së shpirtit, i ardhur bashkë me jetën. Pavarësisht nga diversitetet etnike dhe historike apo diferencat në besime mes nesh, janë këto ide universale që na provojmë ngjashmëritë dhe forcën e njëjtë krijuese mbi të gjithë ne.
Është e një rëndësie jetike që personalitete nga të gjitha fushat, të cilat kanë mundësi të ndryshojnë jetët e njerëzve të thjeshtë, të ndajnë bindjen dhe besimin e përbashkët se shumë më tepër mund të zhvillohen vendet nën një pushtet të ndërgjegjes”. (TemA)
