Zvicerianët në një referendum kanë votuar nëse duhet miratuar ligji që shtrëngon kushtet për zotërimin e armëve.
Para votimit, autoritetet paralajmëruan se refuzimi i ligjit mund të çonte që vendi të përjashtohej nga marrëveshjet evropiane mbi Shengenin dhe Dublinin, me të cilat është e lidhur, ndonëse nuk është anëtare e Bashkimit Evropian.
Ligji është kritikuar nga disa shoqata sportive duke deklaruar se është e padobishme në trajtimin e terrorizmit. Vlerësohet se rreth 2.3 milionë qytetarë kanë armë, që është rreth një e treta e popullsisë së Zvicrës.
Masat e shtrëngimit do të zbatohen për armët gjysmë automatike, si dhe për lloje të caktuara të pushkëve.
