Albana Vokshi ka lexuar rezultatet e referendumit, të thirrur nga Sali Berisha për shkarkimin e Lulzim Bashës nga kryetari i Partisë Demokratike.
Sipas rezultateve të bëra publike, rezulton se shumica e demokratëve në rang vendi kanë votuar pro shkarkimit të Lulzim Bashës.
“43385 demokratë kanë votuar pro shkarkimit të Lulzim Bashës, duke ratifikuar vendimin numër 6 të kuvendit”, tha Albana Vokshi.
Ndërkohë Berisha, beri një reagim pas publikimit te rezultatit te referendumit në lagjen ku banon Basha.
“Fatin e Ramiz Alisë, historia përsëritet. Në vitin 1991 kjo lagje, ndër më demokratikët e kësaj toke i rezervoi diktatorit të fundit komunist disfatën turpëruese. Pas 30 vitesh, po kjo lagje i rezervon Lulzim bravës apo peng Bashës të njëjtin fat, me një dallim. Diktatori komunist nuk kishte nisur në atë lagje, kurse Lulzim brava ka lindur aty. E denatyralizoi, ky quhet procesi i denatyralizimit që i bënë demokratët e lagjes 8″, tha Berisha.
