Nga Azgan Haklaj
Për Kosovën nuk ka ditë e muaj viti ndër shekuj të mos mbartë kujtesë e histori, por shkurti ngelet muaj i veçantë për faktin se në shkurt 2008-të u vulos pavarësia e Kosovës.
Përveç gjakut të derdhur ndër breza e sakrificës biblike të shqiptarëve të Kosovës nënshkrimii i pavarësisë u bë me kalemin e kryefyqisë botërore, aleatit më të sigurtë të provuar të shqiptarëve,
SHBA-ve.
Pikërisht ky fakt më detyron moralisht ta shoh dhe muajin shkurt 2025 po aq të rëndësishëm për Kosovën, në një aspekt krejt të veçantë e delikat.
Është fakti se Kosova do të zgjedhë liderin e saj politik e administrativ per 4 vitet që vijnë.
Faktet po tregojnë se kjo trevë dardane rrezikon fatkeqësisht të ç’bejë me dorën e votën e saj atë që arriti në shkurt 2008-të.
Rrezikon të humbë aleatin e madh me të cilin bashkëluftoi, e bashkënënshkroi pavarësinë.
Pra rrezikon të humbë mbështetjen e SHBA-ve.
Dhe kjo aspak për vullnet të shqiptarëve të Kosovës dhe as të kombit tonë, sikundër as për ndonjë arsye sado minore bindëse.
Por vetëm e vetëm për karagjozllekun në mos keqdashësinë e trishtueshme të Albin Kurtit.
Ky egoist i shfrenuar, marksist në bindje dhe mashtrues gjoja në emër të parimeve, që dikur shitej si engjëll i lirisë e bashkimit utopik sot është kthyer në një minidiktator të neveritshëm që çirret foltoreve të Kosovës si një Duçe i ri fashist në zemër të Ballkanit duke lëshuar sterkalat e peshtymës uluritëse jo vetëm në Kosovë por anembanë rajonit ku ka troje etnike shqiptare.
Ky veprim jo vetëm anti-demokratik e jo principial por çmendurisht anti-shqiptar prej tij u manifestua në 4 vite jo vetëm me Shqipëri por me lidershipin shqiptar në Maqedoninë e Veriut, Preshevë-Medvegjë-Bujanovc e Mal të Zi.
Me mbështetjen që i dha S(Vlenit) solli në pushtet Mickovskin e Stoilkoviçin që sot e quan Kosovën “Kosovo i Metohija”.
Albin Kurti për interesat e tij pushkatoj gjuhën shqipe në Maqedoninë e Veriut.
Ai nuk u mjaftua me këtë rrugaçëri politike kombëtare por guxoi të trondisë marrëdhënien e veçantë të Kosovës me aleatin tonë të çmuar, SHBA-në duke e radhitur Kosovën në sanksione euroatlantike fill pas Rusisë së Putinit në kontinent.
Në planin shtetëror Albin Kurti në 4 vite nuk realizoi asnjë premtim relevant përveç tentativës së hapur për të nderruar dorën e korrupsionit duke marrë me dhunë nga banda e tij bordet e ndermarrjeve publike dhe duke sulmuar bisnesin e lirë haptaz për ta shantazhuar e grabitur.
Albin Kurti nëpër skena e tribuna të stisuara me tifozëri histerike shan e fyen kundërshtarët me poezi të shpifura e bajate duke imituar defin e Edi Ramës në autobuzët elektoralë të vitit 2021.
Falë Zotit edhe botërisht situata sot është ndryshe dhe po avancon me shpejtësi kundër këtyre monstrave majtiste.
Lidership’ të papërgjegjshëm autokratik dhe të tillë si Albini janë të parët që do bien në rrjetën globale të erës së re demokratike.
Por është në dorën e shqiptarëve e votës së tyre me datën 9 shkurt që Albin Kurtit t’ja presë shkurt dhe ta menjanojnë nga qeverisja e vendit.
Ky veprim do ishte akti më i rëndësishëm pas pavarësisë pasi ekzistenca e tij do ta zhbëjë pavarësinë dhe do ta rrezikojë mëvetësinë e sovranitetin e Kosovës!
Gjithçka është në dorën e qytetarëve të Kosovës dhe unë besoj në mençurinë e gjeninë e tyre.
Ata do të votojnë për Kosovën jo për Albinin.
Vota për opozitën e fitorja e saj do të çlirojë Kosovën nga sanksionet e izolimi, korrupsioni, keqqeverisja dhe deshtimi i shtetit.
Do të asfiskojë tentativat për kapjen e mediave, prokurorisë, biznesit.
Do të godasë korrupsionin i cili është rrezik i sigurisë kombëtare.
Përmbysja e regjimit të vetëfundosjes do të kthejë imazhin e prestigjin euroatlantik të Kosovës.
Do të rikthejë partneritetin me SHBA-të, BE, NATON dhe Kosova do të nisë turravrapin drejt Këshillit të Europës, BE-së dhe antarësimit të shpejtë në NATO!
Shpartallimi i vetëfundosjes dhe renia e Albinit shënon prologun e rrëzimit të autokracisë në Ballkan.
Pas Albinit me radhë do të bien Vuçiçi, Dodiku, Rama së bashku me dy brinjet e thara të shpartalluar të Trekëndeshit të Bermudës Berisha dhe Metaj. Demokracia do të triumfojë mbi autokracinë!
