Redi Jupi ka qenë gjithmonë një nga zërat kritikë sa i përket problemeve të sportit në vendin tonë, por kur u bë pjesë e FSHF-së në postin e trajnerit të Kombëtares Shpresa, çka i dha mundësi t’i shihet gjërat më nga afër situata ndryshoi disi.
Jupi i uli tonet dhe kritikat publike nuk ishin të shumta.
Por, tani që prej pak javësh ësnhtë larguar nga pozicioni i tij ai është kthyer me një intervistë në media, duke thënë se Kombëtarja është një skuadër pa vizion.
“Ecuria e Kombëtares nuk është ajo që të gjithë kemi pritur dhe kjo është normale të ndodhë, pasi nuk mund të bësh maksimumin e mundësive gjithmonë siç bëmë në kualifikueset e Europianit. Një lëvizje futbollistike nuk mund të varet vetëm nga rezultate e momentit dhe kjo është ajo që po na ndodh ne. Në Kombëtare nuk ka asnjë politike dhe strategji që të shohë përtej të sotmes, pra për të ardhmen”, kanë qenë fjalët e Jupit. /b.d
