Daniel Ricciardo do të jetë piloti që niset nga vendi i parë në Çmimin e Madh të Monakos. Australiani i skuderisë Red Bull i la pas të gjithë në provat zyrtare, duke treguar se fitorja e shokut të tij të skuadrës, Max Verstappen, në garën e kaluar nuk ishte aspak rastësi. Ndërkohë ky i fundit u përplas me muret mbrojtëse të pistës së Montekarlos në raundin e dytë të kualifikueseve dhe do të niset nga vendi i fundit.
Në vendin e dytë dhe të tretë renditen pilotët e Mercedesit Nico Rosberg dhe Lewis Hamilton. Ferrari vazhdon të tregojë një formë të dobët, me Vettel dhe Raikkonen që nuk zunë më shumë se vendi i katërt dhe i gjashtë. Ndërkohë Raikkonen penalizohet dhe do të niset 5 vende më poshtë për shkak se ka ndërruar kutinë e marsheve.
Ndërkohë, Nico Hulkenberg, Carlos Sainz, Sergio Perez, Daniil Kvyat dhe Fernando Alonso plotësojnë dhjetëshen e parë./a.m.