Tottenham triumfoi dhe në Gjermani ndaj Dortmundit, duke i eliminuar verdhezinjtë që në këtë fazë të Champions, ndërsa Reali siguroi kualifikimin me 6 gola ndaj Apoelit në Qipro.
Dortmundi u tregua i pafuqishëm edhe në ndeshjen në shtëpi ndaj anglezëve duke u dorëzuar sërish. Pavarësisht golit të parë të shënuar nga Aubameyang, Tottenham reagoi në pjesën e dytë duke shënuar dy herë me Kane dhe Son Heung-Min.
Ndërkohë, Reali i Madridit mori një fitore të thellë në Qipro ndaj Apoelit me rezultatin 6-0. Katër gola për kampionët në fuqi të Champions u realizuar në pjesën e parë, ndërsa në 45 minutat e dyta Ronaldo shënoi edhe dy herë të tjera.
Napoli ka arritur një fitore jetike 3-0 përballë Shakhtar Donetsknë grupin F, duke arritur të ngushtojë në -3 pikë diferencën me ukrainasit që u dorëzua përballë të besuarve të Sarrit.
Lajpzig i ka dhënë një shuplakë të fortë skuadrës së Monakos, me gjermanët që fituan me rezultatin 4-1, përballë francezëve që i dhanë “lamtumirë” kampeticioneve europiane.
Fitore sa për statistikë arriti dhe Manchester City që mundi minimalisht 1-0 Fejnordin.
a.ç
