Reali i Madridit gjatë kësaj vere nuk transferoi ndonjë sulmues, çka shihet problem kryesor për skuadrën e Zinedine Zidane pas largimit të Moratas.
Por, presidenti i Realit, Florentino Perez tashmë ka bërë gati planin për verën e vitit 2018, ku pritet të përforcojë pikërisht repartin e sulmit.
Dëshirat e tij janë sulmuesi i Tottenhamit, Harry Kane dhe sulmuesi kilian i Arsenalit, Alexis Sanchez, shkruan Daily Express.
Kane pritet të kushtojë rreth 120 milionë euro, ndërsa Sanchez do të vinte si lojtar i lirë, pasi ka kontratë me Arsenalin vetëm deri më 30 qershor 2018.
Këtë verë Reali nuk bëri ndonjë transferim të madh, pasi lojtari më i shtrenjtë ishte Theo Hernandez nga Atletico Madrid për 26 milionë euro. /a.m.
