Real Madridi raportohet se ka nisur negociatat me Chelsean për transferimin e portierit belg Thibaut Courtois.
Në shtator, 24-vjeçari, që kaloi tre vjet në Atletico Madrid, tha se i mungon jeta në Spanjë dhe se ishte i interesuar për kthim në La Ligë.’
Muajin e shkuar, ai kishte thënë se nuk është i interesuar për kalim te Reali, por, sipas “Radio Onda Cero”, Reali ka nisur negociatat për transferim të portierit gjatë verës së ardhshme.
Courtois ka ndihmuar Chelsean që sivjet të prijë në tabelë me gjashtë pikë para pozitës së dytë, që mbahet nga Liverpooli, citohet Express. (b.an)
