Aaron Ramsey po konsideron transferimin te Real Madrid teksa gjigantët spanjollë duan të afrojnë mesfushorin e Arsenal që në janar.
Kontrata e Ramsey me Topçinjtë përfundon në fund të sezonit, por klubi nuk ka ndërmend t’i rinovojë kontratën.
Madrid i është bashkuar garës për firmën e uellsianit, për të cilin interesohen edhe Juventus me Bayern Munich.
28-vjeçari është i lirë të firmosë një para-kontratë me një klub jashtë Anglisë që në janar, dhe klubi spanjoll do të jetë i gatshëm t’i ofrojë një rrogë të majme.
Një tjetër faktor pse Real kërkon Ramsey është se do të formonte një dyshe të fortë me bashkëkombësin e tij Gareth Bale.
Ata kanë qenë shumë të rëndësishëm për Uellsin në Euro 2016, ku shkuan deri në gjysmëfinale, dhe janë miq të mirë jashtë fushës.
/b.d
