Zinedin Zidan dhe Masimiliano Alegri kanë bërë improvizime për ndeshjen e sotme të Ligës së Kampioneve ku madrilenët duan të administrojnë me qetësi fitoren 3-0 të duelit të parë ndaj juventinëve.
Zidan ka ndryshuar prapavijën për të mbuluar mungesat e Ramos të pezulluar dhe Naço të dëmtuar, duke hedhur në fushë Vajeho, edhe pse mendohej se do të ishte Kasemiro që do të përdorej në këtë repart. Ndërkohë, bie në sy aktivizimi i Garet Bejl nga minua e parë në sulm përkrah Kristiano Ronaldos.
Nga ana tjetër, pa Dibala të skualifikuar, Alegri i ka besuar dyshes Manxhukiç-Daglas Kosta për të mbështetur Higuain, duke lënë përsëri në stol Kuadradon.
Formacionet zyrtare
Real Madrid: Navas; Karvahal, Varane, Vajeho, Marcelo; Kasemiro, Modriç, Kros, Isko; Bejl, Ronaldo.
Trajner: Zinedin Zidan
Juventus: Buffon; De Shiljo, Benatia, Kielini, Aleks Sandro; Pjaniç, Khedira, Matuidi, Daglas Kosta, Manxhukiç; Higuain.
Trajner: Masimiliano Alegri
