Përdoruesi i “Twitter”, i njohur në median sociale me profilin “Real Madrid CF” ka postuar në rrjet një grafikë të ekzekutuar në mënyrë perfekte përmes fotoshopit, nëpërmjet të cilën njofton se mbrojtësi i Manchester United, Ashley Young është blerja më e fundit e Real Madrid në këtë merkato vere.
Me frazën ‘Comunicado Oficial’, që sinjalizon biznes dhe punë konkrete kur vjen çështja te Real Madrid, padyshim ka mashtruar një mori njerëzisht të cilët kënë komentuar jo pak por 9 mijë herë, teksa 18 mijë kanë pëlqyer lajmin e komunikuar, duke e perceptuar atë si të vërtetë dhe sikur të ishte njoftuar nga faqja zyrtare e klubit.
Në të vërtetë, 33-vjeçari Young ka menaxhuar t’i sigurojë vetes një kontratë të re me klubin nga “Old Trafford”, pavarësisht paraqitjeve të tija jo bindëse në sezonin e fundit.
