Drejtori i Policisë së Elbasanit Altin Qato, i komanduar në këtë post pas shkarkimit të zinxhirit drejtues të uniformave blu në këtë qark, ka reaguar sërish lidhur me çështjen e buiznesmenit Sota, në makinën e të cilit u gjetën 863 mijë euro dhe patentat e ish-ministrit Saimir Tahiri.
Qato ka theksuar edhe njëherë se nuk ka pasur asnjë tentativë nga policia për fshehjen e ngjarjes, duke theksuar se uniformat blu kanë respektuar të gjitha procedurat standarte. Sipas tij, paratë e gjetura dhe patentat janë sekustruar sipas ligjit dhe çështja u referua në prokuroria. Ai tha se policia ka kryer detyrën dhe ka bërë transparencë për gjithçka.
“Media e ekzagjeron lajmin pasi gjatë ndalimit provat materiale janë sekuestruar. Kemi bërë transparent çdo veprim. Nuk mund të kalojme normat e sekretit hetimor, policia kryen detyrat e veta”, ka përfudnuar Qato./a.m.
