Pas publikimit të dokumentit ku Komisioni Qendror i Zgjedhjeve nuk aprovonte kërkesën e Sekretares së Përgjithshme të Ministrisë së Drejtësisë për t’u tërhequr nga gara për deputete në listën e qarkut të Tiranës për Partinë Socialiste, Juliana Hoxha pretendon se ky mosaprovim vlen vetëm për subjektet zgjedhore, dhe jo per kandidatët.
Në një njoftim për shtyp, ajo sqaron këtë procedurë:
Njoftim për shtyp
E Sekretarit të Përgjithshëm të Ministrisë së Drejtesisë Znj. Juliana hoxha
Mbas berjes publike të komunikimt zyrtar me Komisionin Qendror të Zgjedhjeve lidhur me terheqjen time nga kandidatura për deputete e Partisë Socialiste të Shqiperisë nga ana e Ministrit teknik, vlersoj të nevojshme këtë njoftim publik me qëllim shmangien e abuzimeve dhe keqinterpretimeve ligjore.
Bazuar në nenin 45 te Kushtetutes terheqja nga kandidimi është një e drejtë kushtetuese politike (jo detyrim), si e tillë nuk kërkon kundërfirmen/miratimin apo aprovimin e ndonjë organi të posacëm për tu konsideruar e vlefshme. Shkresa drejtuar Komisionit Qëndror të Zgjedhjeve është për efekt procedural të njohjes me vullnetin e shprehur të kandidatit që terhiqet nga gara zgjedhore. Fakti i kufizimeve ligjore në Kodin Zgjedhor për pamundësinë e ndryshimit të listave emerore të kandidatëve për deputet i shtrinë efektet juridike tek subjektet politike jo tek individët (kandidatët për deputet).
I rikujtoj Ministrit teknik konsultimin serioz me ligjet e ketij vendi dhe azhonimet përkatëse të tij pa u ndikuar emocionalisht nga faktor të tjerë!
Një ditë më parë, Ministri i Drejtësisë, Gazment Bardhi kërkoi pezullimin e saj nga detyra pasi figuron e renditur e 24 në listën shumëemërore të Partisë Socialiste për qarkun e Tiranës.
