Pas takimit të kryeopozitarit Basha me të dërguarit e Bashkimit Evropian në Tiranë, David McAllister dhe Knut Fleckenstein vjen edhe reagimi zyrtar i Partisë Demokratike.
“Kërkesa e opozitës për qeveri teknike dhe mandatin e saj është e pandryshueshme”, citon PD-ja.
Ndërkohë, SHBA, BE dhe OSBE kanë propozuar një draft konkret i cili nuk është pranuar nga Partia Demokratike, pikërisht për faktin se ai nuk përmbante krijimin një qeverie teknike.
Sipas draftit, tre janë pikat kryesore:
Kryetari i KQZ-së t’i kalojë opozitës
Kriminalizmi i votës, dënime të ashpra për vjedhjen e votës
Ndryshimet në polici
Por fakti që PD nuk eshte terhequr nga kerkesa e saj e artikuluar ne menyre te perseritur edhe gjate 66 diteve qe ajo ndodhet ne proteste, ajo e krijimit te nje qeverie teknike, duket se flet per nje deshtim te bisedimeve. Ulja ne nje tryeze mes kryeministrit Rama dhe liderit demokrat Basha, edhe nen ndermjetesimin e zyrtateve te huaj, duket se eshte ende larg.
Ndërkohë pas takimit në pallatin e Kongreseve Basha u shpreh se nuk kanë nisur ende negociatat.
“Nuk kanë nisur negociatat jemi në proces të takimeve. Nuk ka teknicienë. U thirrëm për të vazhduar procesin e bisedimeve me ndërmjetësuesit. Dola, sepse mbaruam punë”, – u shpreh Basha.
