“Te gjithe duhet te jemi ne krah te UCK, drejtuesve te saj dhe pastertise se kauzes se lirise se Kosoves per te cilet u flijuan heronjte e vertete te Kosoves.”
Kështu shkruan ish kryeministri i Shqipërisë, sot deputet i PS, zoti Pandeli Majko, pas përplasjes që vijon në distancë midis kryeministrit të Kosovës, njëherësh kryetar i LDK Isa Mustafa dhe ish shefit të SHISH Fatos Klosit.
Me anë të një reagimi në facebook, Majko e sheh si të pavend që ky debat të bëhet në një moment kaq të rëndësishëm e të vështirë për Kosovën dhe shqipëtarët në rajon.
Nga ana tjetër, Majko shkruan se sipas tij Rugova nuk ishte tradhëtar. Ndrërsa për luftën e UÇK Majko shprehet se të gjithë duhet të jëmi në krah të saj dhe kauzës së lirisë së Kosovës.
E thënë kështu, Majko sygjeron që mos të trajtohet më ky debat me “heronj” dhe tradhëtarë”, pasi janë tërësisht shterpë dhe të panevojshëm.
“Lexova ne media qe “veterani” i Luftes se Kosoves, Fatos Klosi ka fyer jo vetem Presidentin e nderuar Rugova. Qe Ibrahim Rugova te kete qene “tradhetar” i Kosoves, kjo eshte po aq e vertete sa Klosi te kete luftuar me arme ne dore.
Sot Kosova dhe publiku shqiptar duhet te pergatiten per Gjykaten Speciale Nderkombetare. Ajo do te gjykoje protagonistet e Luftes se shqiptareve. Kjo eshte padyshim nje ngjarje e rende. Te gjithe duhet te jemi ne krah te UCK, drejtuesve te saj dhe pastertise se kauzes se lirise se Kosoves per te cilet u flijuan heronjte e vertete te Kosoves. Sa me i percare qe te jete faktori shqiptar aq me e rende do te jete goditja. Kjo dhe te tjera, jane arsyeja qe mendoj se debatet shterpe me “heronj” dhe “tradhetare” per Luften e Kosoves jane ne kohen dhe vendin me te keq per momentin qe kalon Kosova dhe shqiptaret ne rajon. Shpresoj te jete rastesi.”, mbyll postimin e tij në facebook Majko
