-Dëshmitari i mbrojtur në çështjen CEZ, Romeo Kara, ka reaguar ndaj padisë që Shkëlzen Berisha, djali i ish-Kryeministrit Sali Berisha ka bërë ndaj tij.
Ai shton se me këto veprime Shkëlzen Berisha tenton t’i mbyllë gojën për të vërtetat lidhur më çështjen CEZ.
“Berisha i madh, që pretendon se ka sjelle lirinë e fjalës dhe demokracinë, pasi uzurpoi partinë që bëra unë, sot mbas 26 vitesh tenton të më mbylle gojën mua apo kujtdo që i zbulon horrlleqet atij, me padite që i bën në emër të Berishës së vogël, i cili edhe pse i trullosur nga dielli i Meksikës, nuk vonon t’i mbajë ison të atit.”
Ndërkohë Romeo Kara shprehet se, së shpejti do të bëjë Padi për Sali Berishën dhe djalin e tij.
“Nuk ka padi qe mbulon grabitjen e pasurisë kombëtare dhe që më kthen mua pas.
Edhe nëse ky komision nuk e çon deri në fund investigimin e bëmave berishiane, unë personalisht në kohën e duhur do depozitoj me të drejtën e Zotit dhe me atë që më jep Kushtetuta e Shqipërisë, padinë e shumëpritur nga shqiptarët,” shkruan Romeo Kara në statusin e tij”.
Djali i ish-kryeministrit ka bërë të ditur sot se ka paditur juristin Romeo Kara.
“Pergjigja me e mire per shpifesit eshte rruga ligjore. Ne kete menyre do u jepet mundesia te flasin aty ku duhet dhe jo atje ku nuk mbajne asnje pergjegjesi per shpifjet tyre”, shkruan Shkëlqen Berisha në Facebook. /shqiptarja.com/b.d
