Xavi është i irrituar me përshkallëzimin e situatës në Kataloni. Raportohet se policia spanjolle është duke i gjuajtur me plumba gome njerëzit që po presin në radhë për të votuar në referendumin e Katalonisë për pavarësi.
Kjo nuk i ka pëlqyer aspak ish kapitenit të Barcelonës, Xavi Hernandez, i cili ka reaguar ashpër përmes një video në rrjetet sociale. “Çfarë po i ndodh Katalonisë është turp i madh.
Në një vend demokratik njerëzit duhet të lejohen të votojnë. Mbështetja ime e plotë shkon për Katalonasit që janë nisur drejt qendrave të votimit.
Rroftë Katalonia”, ka thënë Xavi në videon e publikuar në rrjetet sociale. Katalonia, një rajon i pasur në verilindje të Spanjës, ka 7.5 milionë banorë si dhe gjuhën dhe kulturën e vet.
Po ashtu, ka një shkallë të lartë të autonomisë, por nuk njihet si një shtet i ndarë nga kushtetuta e Spanjës, përgatiti ”Gazeta Express”. (b.an)
